ՀԱՅԱՍՏԱՆԻ ԲՆԱԿՉՈՒԹՅԱՆ ԹՎԻ ԱՆԿՈՒՄԸ /ՃԳՆԱԺԱՄԻ ԱԿՈՒՆՔՆԵՐԸ ԵՎ ԴՐԱՆՑ ՀԱՂԹԱՀԱՐՄԱՆ ՈՒՂԻՆԵՐԸ/



ԻՆՉՈ՞Ւ ԵՆ ՀԱՅԵՐԸ ԼՔՈՒՄ ՀԱՅԱՍՏԱՆԸ

Հայրենալքման Նոր Խրախոյսներ

Apo Poghikean

ԱԲՕ ՊՈՂԻԿԵԱՆ

Հայաստանը առանց հայերու տարածքի մը վերածելու, զայն իր բնիկ ժողովուրդէն պարպելու միջազգային դաւադրութիւններու մասին յաճախ արտայայտուած են հայ քաղաքական վերլուծաբաններ:

Ինչո՞ւ աշխարհի բոլոր երկիրներէն Հայաստանին վերապահուած է իր բնակչութեան խաղաղ կեանքը ցնցող աջէն ու ձախէն հարուածներ ընդունելու ճակատագիրը՝ զոհ դառնալով մերթ ցեղասպանական գործողութիւններու, մերթ շլացնող հրապոյրներու, մերթ տեղածին անարդարութիւններու: Աշխարհագրական դիրք, թէ դէպի Արեւելք կամ Արեւմուտք ծաւալապաշտական ձգտումներ, թէ համաթուրանական գաղափարախօսութիւն կամ քաղաքական այլ մութ ու յանցագործ ծրագիրներ, բոլորը ձեռք ձեռքի տուած՝ մեր երկիրը իր աւիւնէն քամելու մեծ դաւադրութեան մեղսակիցներ են:

Այս մեղսակցութիւնը այս օրերուն նոր երանգով մը կը հարստանայ, երբ թէ՛ Ռուսիան եւ թէ Միացեալ Նահանգները փող ու թմբուկով կը յայտարարեն Հայաստանի քաղաքացիները ընդունելու կարգի դիւրացման, կամ օրինական այցելութեանց ընթացքին կեցութեան արտօնագիրներու երկարացման մասին:
Ռուսիան այսուհետեւ աւելի մեծ թափով պիտի ներգրաւէ Հայաստանի երիտասարդ ուժն ու տաղանդը, եւ տրուած դիւրութիւններու լոյսին տակ՝ «խոպանճի»ութիւնը աւելի սահուն կերպով դէպի մշտական բնակութիւն պիտի վերափոխուի:

Նոյնը Ամերիկայի պարագային: Անցեալին զբօսաշրջիկի արտօնագիրով Ամերիկա եկող հայրենակիցներէն շատերը, ամէն գնով, յաճախ նաեւ կեցութեան օրէնքները խախտելով՝ ի վերջոյ այստեղ մնալու ձեւ մը կը գտնէին: Հիմա, այդ ձեւը նոյնիսկ օրինականօրէն գտնելու տասը տարուան ժամանակ կը տրուի անոնց:

Ազատ շարժելու, նախընտրած միջավայրին մէջ բնակելու իրաւունքը համամարդկային անքննելի սկզբունք մըն է, որուն պատճառած վնասներուն դէմ (Հայաստանի պարպումին դէմ) ամէնէն ազդեցիկ պայքարը՝ հայրենասիրութեան քարոզին զուգահեռ՝ հայրենիքի մէջ կեանքը բարելաւելու ճամբով կրնայ ըլլալ միայն:

Աղբյուրը՝ «Ասպարեզ» լրատու: Դիտվել է հետևյալ կայքից. «http://asbarez.com/arm/210822/»


Էջի Դիտումներ - 558

Թողնել մեկնաբանություն

Ձեր էլ. հասցեն չի հրատարակվելու։ Լրացման պարտադիր դաշտերը նշված են *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>